«Նիկոլ Փաշինյանին իշխանությունից հեռացնելու 4 հնարավոր տարբերակ կա»․ Էդգար Ղազարյան

Հասարակական, քաղաքական գործիչ Էդգար Ղազարյանը ֆեյսբուքյան ուղիղ եթերում անդրադարձել է Նիկոլ Փաշինյանին վարչապետի պաշտոնից անվստահություն հայտնելու գործընթացի հնարավոր տարբերակներին։

«Եթե Նիկոլ Փաշինյանը մնա ՀՀ վարչապետ, շարունակելու է կատարել Ալիևի և Էրդողանի պահանջները, ինչը հանգեցնելու է մեր պետության վերջնական կործանմանը»,- ընդգծեց Ղազարյանը՝ ներկայացնելով Նիկոլ Փաշինյանին իշխանությունից հեռացնելու տեսական 4 հնարավոր տարբերակ։

«Եկեք տեսականորեն քննարկենք, թե ինչ է հնարավոր անել՝ Նիկոլ Փաշինյանին վարչապետի պաշտոնից հեռացնելու, նրան վարչապետի պաշտոնում չտեսնելու համար․․․ Տեսականորեն դրա համար գոյություն ունի 4 տարբերակ՝ առաջինը նրա մահն է, երկրորդը՝ ձերբակալությունը և քրեական վարույթի նախաձեռնումը, երրորդը՝ նրա հրաժարականը վարչապետի պաշտոնից և չորրորդը՝ անվստահություն հայտնելու գործընթացը։

Աստված է մարդուն կյանք տալիս, և Աստված է որոշում, թե երբ նա երկրային կյանքին հրաժեշտ տա, հետևաբար դա որևէ անհատի գործողություններից կախված չէ, իսկ եթե ապավինենք բնությանը, ապա շատ քիչ հավանական է, որ նա առաջիկայում առողջական հանգամանքների բերումով կարող է մահանալ․․․ Հետևաբար առաջին տարբերակը քիչ հավանական է»,- նշեց Ղազարյանը։

Առավել մանրամասն՝ տեսանյութում։