Տարոն Մարգարյանն ու Հովիկ Աղազարյանը զրկվեցին անձեռնմխելիությունից

ԱԺ պատգամավոր Հովիկ Աղազարյանն ու «Պատիվ ունեմ» խմբակցության պատգամավոր Տարոն Մարգարյանը համաձայն գաղտնի քվեարկության արդյունքների զրկվցին պատգամավորական անձեռնմխելիությունից։

Նշենք, որ ընդդիմադիրները չեն մասնակցել քվեարկությանը։ 107 պատգամավորից քվեարկել է 67-ը։

Հովիկ Աղազարյանի դեպքում 65-ը կողմ են քվեարկել, իսկ 2-ը՝ դեմ։

Տարոն Մարգարյանի դեպքում՝ քվերակությանը մասնակցած 67-ն էլ կողմ են քվեարկել։

Հիշեցնենք՝ Գլխավոր դատախազ Աննա Վարդապետյանը Ազգային ժողովին էր ներկայացրել պատգամավորներ Տարոն Մարգարյանի և Հովիկ Աղազարյանի նկատմամբ քրեական հետապնդում հարուցելուն համաձայնություն տալու միջնորդություններ։

Տարոն Մարգարյանը մեղադրվում է Երևանի երկու դպրոցներին և մեկ մանկապարտեզներին պատկանող հողերի ապօրինի օտարմանը։ Իսկ Հովիկ Աղազարյանը կասկածվում է այն բանի համար, որ խոշոր չափի կաշառքի դիմաց խոստացել է կազմակերպել մանր եղջերավորների արտահանումն առանց կարանտինի։ Երկրորդ դրվագով նա մեղադրվում է շինթույլտվություն ստանալու նպատակով 23 հազար դոլար կաշառք վերցնելու մեջ։