«Խայտառակություն է, երբ անչափահասների իրավունքները քաղաքական նպատակներով ոտնահարվում են»․ Վարդուհի Սարգսյան

Փաստաբան Վարդուհի Սարգսյանի ֆեյսբուքյան գրառումը․ «araratnews լրատվական կայքը տարածել է մի տեսանյութ և վերնագրել. «Վարդան Ղուկասյանի եղբոր թոռը աղջկան մերկացնում է, որ բռնաբարի»: Տեսանյութում երևում է ՝ ըստ ինձ անչափահաս տղայի դեմքը, ով հավանաբար հենց Ղուկասյանի եղբոր թոռն է: Սա խայտառակություն է, երբ անչափահասների իրավունքները քաղաքական նպատակներով այս չափ ոտնահարվում են, որն անկասկած հետագայում ակնհայտորեն ազդելու է այդ տեսանյութում երևացող թե աղջկա և թե մնացածների կյանքի որակի վրա: Գուցե շատերը կարծեն, թե շատ էլ լավ են արել, որ տարածել են, նման անչափահասներին հասնում է, ապա ես պետք է հակառակվեմ և ասեմ, որ այն ինչ հասնում է, հասնում է օրենքով և դրա համար գոյություն ունի սահմանված քրեական պատասխանատվություն, իսկ ընտրությունների ժամանակ նման բնույթի տեսանյութեր տարածելը իրականացվում է ոչ թե բարոյական պարսավանքի այլ բացառապես քաղաքական նպատակներով:
Միևնույն ժամանակ բաց է մնում մի շատ կարևոր հանգամանք, արդյո՞ք այս տեսագրությունը քրեական գործի նյութերից է տրամադրվել այդ լրատվականին:
հգ. Վարդան Ղուկասյան անձը առհասարակ ինձ համար ընդունելի չէ, սակայն նման բնույթի տեսագրություններ տարածողները քաղաքական դիվիդենտների համար, ոչնչով չեն տարբերվում նրանից և գտնվում են բարոյական և քաղաքական նույն խրամատում ինչ նրանք»։