«Կախված բժշկի նշանակած «գլխացավի» դեղի ազդեցությունից՝ ինքը կարող է ձերբակալել ընտրված քաղաքապետին»․ Էդգար Ղազարյան

«Եթե հավասար պայմաններում Գյումրիում և ցանկացած այլ համայնքում լինեն ընտրություններ՝ ՔՊ-ի վարկանիշը չի կարող գերազանցել 3 %-ի շեմը»,- «Պանորամա»-ի հետ զրույցում նշեց հասարակական-քաղաքական գործիչ Էդգար Ղազարյանը։

«Նիկոլ Փաշինյանը ոչ թե պետք է շնորհավորեր ընտրություններում հաղթած քաղաքական ուժերին, այլ պետք է հրաժարական տար՝ այդ ընտրությունների արդյունքների մասին լսելով, ինչպես դա արել է Վրաստանի նախկին վարչապետը»,- ասաց գործիչը։

«Ադրբեջանաթուրքական հեղափոխությունը մեկնարկեց Գյումրիից՝ ոտքով, բավականին խեղճ ու համեստ տեսքով, բայց ընդամենը 6 տարի անց Գյումրի էր վերադարձել մի քանի միլիոն դոլար արժողությամբ մեքենաներով, շարասյուներով, իրեն ուղեկցող մարդկանցով։ Այսինքն՝ ստացվում է՝ ընտրեք ինձ, թե չընտրեք, գոհ եք ինձնից, թե դժգոհ,միևնույնն է՝ ես ձեր ղեկավարն եմ, հավիտենական եմ, կարամ նաև շնորհավորեմ, կարամ ձերբակալեմ...Էդ էլ արդեն կախված է «գլխացավի դեղի» ազդեցությունից․․․ Բժիշկը շատ հետաքրքիր մեթոդ է կիրառել, ասել է, որ դա գլխացավի դեղ է, և կախված այդ դեղի ազդեցությունից, ինքը կարող է որոշել ձերբակալել ընտրված քաղաքապետին, ինչպես եղավ Վանաձորի պարագայում․․․»,- նշեց Ղազարյանը՝ հավելելով՝ ՔՊ-ն պետք է վռնդվի բոլոր համայնքներից, իսկ Փաշինյանը՝ վարչապետի պաշտոնից։

Առավել մանրամասն՝ տեսանյութում։