«ՌԴ-ում բանկային աշխատակիցներին արգելվում է հաճախորդների հետ շփվել օտարերկրյա կապի միջոցներով»․ Արթուր Պապյան

Մեդիափորձագետ Արթուր Պապյանի ֆեյսբուքյան գրառումը. «Մինչ Հայաստանում քաղաքացիները առայժմ ապարդյուն բողոքում են բանկերի ոչ բավարար պաշտպանվածությունից, որի հետևանքով իրենց օգտահաշիվները կոտրվել են ու իրենց անունով մեծ պարտքեր ու վարկեր են ձևակերպվել, Ռուսաստանում ուժի մեջ է մտել «Ինֆորմացիոն և հեռահաղորդակցության տեխնոլոգիաների միջոցով իրականացվող իրավախախտումների դեմ հակազդման պետական տեղեկատվական համակարգի ստեղծման մասին» թիվ 01.04.2025 № 41-ФЗ օրենքը։
Օրենքով, մասնավորապես, բանկային և վարկային կազմակերպությունների աշխատակիցներին արգելվում է հաճախորդների հետ կապի մեջ մտնել՝ օգտագործելով օտարերկրյա կապի միջոցներ (այսինքն՝ ամեն տեսակ WhatsApp, Viber և այլն)։