«ՀՌՀ տնօրենի տիկնոջ տեքստը ՔՊ ներսում տիրող մթնոլորտի համախառն արդյունքն է»․ Լիլիթ Բլեյան

Երգչուհի Լիլիթ Բլեյանի ֆեյսբուքյան գրառումը․ «Իշխանությունները, որոնց գործողությունների հետևանքով Արցախը դատարկվեց, այսօր դադարեցնում են արցախցիների բնակվարձի փոխհատուցման ծրագիրը՝ շատ լավ իմանալով, որ նրանց մեծամասնությունը չի կարողանալու լուծել բնակության հարցը։ Դրդում են արտագաղթի՝ պարզ, առանց ձևերի։
Սրան զուգահեռ՝ ակտիվացնում են արցախցիների հանդեպ ատելություն ու թույն տարածող կեղտոտ քարոզչությունը՝ գումար չխնայելով իրենց ստվերային գործիքների համար։
Հանրային ռադիոյի՝ ամենատգեղ պրոցեդուրայով նշանակված տնօրենի տիկնոջ տեքստերը մինչև այս պահը երևի անգերազանցելի են։ Բայց նրա տեքստը համախառն արդյունքն է ՔՊ ներսում տիրող մթնոլորտի, որը նրանք վերածում են քարոզչության ու դուրս թքում բոլորիս վրա։
Ամեն օր նմանատիպ վարակ են տարածում հազարավոր ֆեյքեր, ֆեյք բլոգերներ կամ ֆեյք գործիչներ։ Եթե նույնիսկ նրանք ֆիզիկապես գոյություն ունեն, միևնույն է ֆեյք են, քանի որ ՔՊ քարոզչական մեքենայի շարքային գործիքներն են կամ, լավագույն դեպքում, զոհերը, ուրեմն՝ չեն արտահայտում սեփական կարծիքը։
Գյումրիի ՔՊ թեկնածուի «բլթոցները» իրականում բլթոցներ չէին, այլ՝ ՔՊ ներսում եռացող թարախակալած բշտի կաթիլները։
Երբ այդ բիշտը պայթի, մեզ ահռելի ծավալների սանիտարական աշխատանք է սպասում։ Քարոզչամեքենայի շարքային ստրուկները, իհարկե, անմիջապես կվերազինվորագրվեն նոր իշխանական համակարգին։
Քարոզչության գեներալիտետը, սակայն, դա անել չի կարողանալու, ու դա պիտի նախապես գիտակցի։ Նրանց անունները նույնպես գրվելու են Արցախի հանդեպ իրականացված հանցագործության կազմակերպիչ խմբի կազմում»։