Թրամփը 10 տոկոս մաքսատուրք է սահմանել Հայաստանից ներմուծման համար

2665

Հինգշաբթի, 03 ապրիլի, 2025 թ., 09:57

ԱՄՆ նախագահ Դոնալդ Թրամփը հայտարարել է ներմուծման համար նոր մաքսատուրքերի մասին։ Նրա խոսքով՝ ԱՄՆ-ն ԵՄ-ից ապրանքների համար 20 տոկոս մաքսատուրք է սահմանում։

Միաժամանակ ԱՄՆ ղեկավարը նշել է, որ Վաշինգթոնը բոլոր երկրների համար փոխադարձ հիմունքներով մաքսատուրքեր է մտցնում։

«Սա մեր տնտեսական անկախության հռչակագիրն է»,-ասել է Թրամփը։ Նրա խոսքով՝ ԱՄՆ-ն մաքսատուրքերից գոյացած գումարը կօգտագործի «հարկերի իջեցման և պետական պարտքի մարման համար»:

Նշենք, որ Ադրբեջանից և Հայաստանից ապրանքների ներկրման համար կգործի 10 տոկոս մաքսատուրք։

Ապրիլի 3-ից ուժի մեջ կմտնեն նաև ավտոմեքենաների ներկրման 25 տոկոս մաքսատուրքեր։