«Թրամփի տարիֆային քաղաքականությունն ուղղված է խոշոր արդյունաբերողներին ԱՄՆ բերելուն»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ «ԱՄՆ նոր տարիֆների մասին:
Նախագահ Թրամփի որոշմամբ այսուհետ բոլոր երկրներից ցանկացած ներկրվող ապրանքի վրա կկիրառվի 10% մաքսատուրք: Ի լրումն, սրանից զատ, որոշ երկրների վրա (ցանկը նկարում) կկիրառվեն լրացուցիչ մաքսատուրքեր:
Բացատրեմ սրա խորքային, ամենակարևոր էությունը: Համաշխարհային տնտեսության վրա սրա ազդեցության գնահատումը թողնեմ գուշակներին: Իսկ սրա էությունը հետևյալն է:
ԱՄՆ-ն աշխարհում ունի հեգեմոն դիրք: Կարող ենք ասել նաև ուներ՝ հաշվի առնելով վերջին տարիների զարգացումները: Սա ինչ է նշանակում: Սա նշանակում է, որ Երկրորդ համաշխարհայինից հետո գերտերություններով համաձայնվել էին, որ միջազգային առևտրում ԱՄՆ դոլարը կլինի գլխավոր արժույթը:
Սա նշանակում է, շատ պարզ ասած, որ ԱՄՆ-ն, որպես աշխարհի գլխավոր որոշող և գլխավոր ռազմական միավոր, փող էր տպում, որն ընդունելի է ամբողջ աշխարհի համար, իսկ մնացած երկրները իրենց ստեղծածը այս փողի դիմաց ազատ վաճառում էին ԱՄՆ-ին և մնացյալ աշխարհին: Այս համատեքստում, ԱՄՆ-ն իր դերը տեսնում էր գիտություն և ռազմարդյունաբերություն զարգացնելու մեջ: Ինչ է ստացվում, փողը տպեն, աշխարհի արտադրանքը տանեն, իրենց փողի նկատմամբ միշտ մեծ պահանջարկ լինի, բայց որ բոլորը խելոք ենթարկվեն այս կանոնին նաև գիտություն և ռազմարդյունաբերություն զարգացնեն, որ լինեն միշտ առաջինը:
Ժամանակը ցույց տվեց, որ ԱՄՆ-ի հեգեմոն դիրքերը թուլացել են: Մասնավորապես, BRICS անդամ երկրները միմյանց և այլոց հետ խոշոր ծավալների առևտուր են անում առանց ԱՄՆ դոլարի: Սրան զուգահեռ, և՛ Ռուսաստանի, և՛ Չինաստանի ռազմական գիտական ներուժը այնքան է զարգացել, որ առաջ են անցել ԱՄՆ-ից: Ի դեպ, օրեր առաջ Ռուսաստանը 5-րդ ատոմային սուզանավը ծով իջեցրեց: Սուտ արևմտամետներին, եթե հետևում եք, դրանք օրուգիշեր երգում են, թե Ռուսաստանի վերջը մոտ է:
Եվ այս համատեքստում, ստացվում է այնպես, որ աշխարհը դառնում է եռաբեվեռ: Եվ սա նշանակում է, որ ԱՄՆ-ն այլևս չի կարող նախկին մոդելով ապրել և աճել: Ուստի, Թրամպի տարիֆային քաղաքականությունը ուղղված է խոշոր արդյունաբերողներին ԱՄՆ բերելուն: Օրինակ Թայվանական աշխարհի ամենամեծ ընկերությունը, որ աշխարհի բարդագույն չիպերի գերակշիռ մասն է արտադրում, արդեն իսկ հայտարարել է ԱՄՆ-ում գործարան բացելու մասին:
Կարճ ասած, սա երկար պատմելիք է, այդքան գրելու չէ, բայց ով կասի՝ Թրամփը հիմար է և չի հասկանում, թե ինչ է անում, խորհուրդ տվեք նայել հայլու մեջ»։