«Երևանի թանկարժեք հատվածներին «էժան» գներով տիրանալու ծրագիր է իրականացվում»․ «ՀայաՔվե»

«ՀայաՔվե»-ն ֆեյսբուքյան էջում հայտնում է. «Շատ սեփականատերեր չեն կարողանալու գույքահարկի վճարումները կատարել, նրանց մոտ ձևավորվելու են գույքահարկի չկատարված պարտավորություններ, և Հարկադիր կատարումն ապահովող ծառայությունը սկսելու է այդ գումարները գանձել։
Այսինքն՝ պետական կառավարման ամբողջ ներուժը մղվում է պարտքեր ձևավորելուն և այդ պարտքերը գանձելուն։ Դրանից հետո գալու է արդեն քաղաքացիներին ունեզրկելու, աճուրդներով նրանց ունեցվածքը վերաբաշխելու գործընթացը: Այս շղթան Երևանի թանկարժեք հատվածներին «էժան» գներով տիրանալու հստակ ծրագիր է։
Պաշտոնական տվյալներով՝ Հայաստանում գույքահարկի նոր սանդղակով հարկվելու է 432 000 բնակարան։ Դրանցից 402 000-ի սեփականատերերը կվճարեն տարեկան մինչև 30 000 դրամ գույքահարկ, մնացած 30 հազարը կվճարեն բազմապատիկ աճած գույքահարկ, իսկ հին սանդղակով հարկվող մյուս բնակֆոնդի տարեկան գույքահարկը չի գերազանցի 5000 դրամը»: