«Շարքային տիկտոկերի մտածելակերպով ազգ ու հասարակություն չեք կրթի». Սամսոն Գրիգորյան

Գործարար Սամսոն Գրիգորյանը ֆեյսբուքյան իր էջում գրել է․ «Կրթվելը նորաձև է․ Դու իսկապե՞ս ուզում ես, որ քաղաքացիդ կիրթ լինի։ Դու իսկապե՞ս դրա համար պայքարում ես։
Դո՛ւ, դպրոցների առջև ոչ մի ռազմավարական խնդիր չդնելով, տգետներին տնօրեն նշանակելով, գրագետ, հայրենասեր, ազգասեր, անկաշառ տնօրենների ոտքի տակ քանդելով, դո՛ւ, համալսարաններն ու ուսումնարանները քաղաքական առուծախի բազար դարձնելով, կրթության և գիտության նախարարությունը տակը մնացած խոտանով (սիրուհիներ, սիրածներ, տգետ կանայք ու ամուսիններ) լցնելով, հեռուստաընկերությունների հետ կրթական ծրագրեր չանելով, վավերագրական-կրթական ֆիլմեր չստեղծելով, միջազգային հեղինակավոր կրթական հաստատությունների հետ ծրագրեր չանելով, ամառային դպրոցներ, մասնագիտական խմբակներ, ինտելեկտուալ պարապմունքներ չհովանավորելով։ Մասնավոր ընկերություններում երիտասարդության համար պրակտիկ պարապմունքներ չկազմակերպելով...
Էլ ո՞րն ասեմ, հարյուրն ասեմ, դու հազարն իմացի։
Շարքային տիկտոկերի մտածելակերպով ազգ ու հասարակություն չեք կրթի, բայց մի բոլ լայքեր կհավաքեք»: