«Գազի գնի թանկացումը, որն ամեն ինչ կթանկացնի ՉՈՐՍ անգամ, ինչպե՞ս ենք հաղթահարելու». Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը. «Աշխարհի ամենահարուստ հայերից մեկը, որը համարվում է Ռուսաստանի իշխանական ամենաբարձր շրջանակներում մուտք ունեցող մարդ, ասում է, որ խնդիրներ կլինեն: Ի պատասխան, մեղմ ասած, սարկազմ: Հա, եղբայր, էլի սարկազմեք, բայց մինչ այդ հասարակ մարդկանց բացատրեք, թե ի՞նչ խնդիրներ նկատի ունի Սամվել Կարապետյանը, դրանք իրակա՞ն են, թե ոչ, իսկ եթե իրական են, ապա ինչպե՞ս պետք է հաղթահարվեն: Օրինակ՝ գազի գնի թանկացումը, որը ամեն ինչ կթանկացնի ՉՈՐՍ անգամ, դա ինչպե՞ս ենք հաղթահարելու: Եվ նման այլ հարցեր: Այդ ամենն ասեք, համոզեք մարդկանց, թողեք կարծիք կազմեն, վերջում էլ ծաղրեք, որպես ձեր կարծիք:
Նման դեպքում, սակայն, երբ հաշվարկ չեն տալիս, բայց հումորային ծաղր են մեջտեղ բերում, տպավորություն է ստեղծվում, որ ասելիք չունեն և լսողի էմոցիաների վրա են խաղում: Ասելիք չունեն և էմոցիաների վրա խաղալով ձգտում են մեզ տանել... վտանգավոր տեղեր, այդպես է ստացվում, քանզի այդ պարագայում են խուսափում մանրուքների մեջ մտնել: Սխա՞լ եմ:
Ռուբեն Մեհրաբյանի հետ մի քանի անգամ ինտերվյուների ժամանակ հանդիպել ենք և սա անձնավորված գրառում չէ: Վիրավորանքներ թույլ չեմ տա»: