Ուրբաթ, 26 դեկտեմբերի, 2025 թ.
|
Ստեփանակերտում`   0 °C

«Արցախցուն պետք չէ ձեր տված տունը, ինքը իր տունն է ուզում»․ Կարապետ Պողոսյան

«Արցախցուն պետք չէ ձեր տված տունը, ինքը իր տունն է ուզում»․ Կարապետ Պողոսյան
594
Երեքշաբթի, 15 ապրիլի, 2025 թ., 10:18

Իրավապաշտպան Կարապետ Պողոսյանի ֆեյսբուքյան գրառումը․ «Կառավարությունը դադարեցնում է արցախցիներին տրվող սոցիալական աջակցությունը, որպեսզի համաձայնեն ՀՀ քաղաքացիություն ստանալ և օգտվել բնակարանային ծրագրից, Հ1-ի Պետոն էլ զարմանում է, թե մեր հայրենակիցները ինչո՞ւ չեն համաձայնվում։ Ցավոք, շատերի համար է անհասկանալի։ Բայց արցախցին չի եկել վերաբնակեցման, նոր տուն ու տեղ դնելու, արցախցին եկել է հանգստանալու և զորանալու։
Արցախցուն պետք չէ ձեր տված տունը, ինքը իր տունն է ուզում, արցախցուն պետք չի ձեր շնորհած քաղաքացիությունը, ինքը վաղուց է քաղաքացի։
Արցախցին ձեր կողմից վաճառված իր պապական տունն ու շենն է ուզում, իր դարերով պաշտպանած Դադիվանքն ու Ամարասն է ուզում, հազարամյակներով պաշտպանած պապերի գերեզմանն ու որդու թարմ շիրիմն է ուզում։
Արցախցին չի եկել այստեղ բնագրվելու, եկել է հանգստանալու, զորանալու և կրկին հետ գնալու, Արցախի էջը չի կարող փակվել։
Արցախի էջը չեք կարող փակել»։

Աղբյուրը`   Կարապետ Պողոսյան