«Վակզալներում քնող ցիգանի օրն ենք ընկել»․ արցախցի

«Մեզ նախագահ ունենք, ինչի՞ չի ձեռք դնում էս ժողովրդի գլխին, ինչի՞ չեն մեզ տեր կանգնում։ Մի խելքը գլխին մարդ չկա՞, գա մեզ տիրություն անի։ Մուտիտ են անում, ամիսը մի անգամ տանում հրապարակներ»,- լրագրողների հետ զրույցում ասաց Արցախի ներկայացուցչության դիմաց բողոքի ակցիա իրականացնող արցախցիներից մեկը։ «Ներվերիցս սեստեմա եմ ընդունում, մի խաբեք, արա՛, օգնեք էս ժողովրդին, դառել ենք փահլևան։ Մեզ տեր կանգնեք։ Վակզալներում քնող ցիգանի օրն ենք ընկել, որոշ ժամանակ հետո ավելի վատ է լինելու»,- ասաց նա։
Հիշեցնենք՝ արցախցիները պահանջում են, որպեսզի նախագահ Սամվել Շահրամանյանը զբաղվի իրենց խնդիրներով, դիմի դատախազություն, որպեսզի Արցախում կատարված թալանի վերաբերյալ քրգործերը արդյունք տան և արցախցիներից թալանվածը վերադարձվի իրենց։