«Ձեր օրոք տղաները մահանում ու չեն հասնում տուն»․ Անուշ Միրզոյան

ԱԺ «Ուժեղ Հայաստան» խմբակցության պատգամավոր Անուշ Միրզոյանի գրառումը․ «Փաշինյանը հոկտեմբերի 7-ին ԱԺ-ում, հարցիս ի պատասխան, ասաց, որ գոհ է Սուրեն Պապիկյանից, իսկ այսօր լսեցինք՝ բանակում զինծառայող է մահացել։
Նիկոլ Փաշինյան, Սուրեն Պապիկյանը չի՛ կարողանում ապահովել հայ զինվորի կյանքի իրավունքը՝ ոչ մարտական՝ խաղաղ պայմաններում։
Ի վերջո, ո՞վ պիտի պատասխանատվություն կրի շարունակվող մահերի համար։ Ինչո՞ւ չեն կանխվում մահերը բանակում։
Փաշինյանն ամիս առաջ նույն ԱԺ ամբիոնից հայտարարեց, որ «վճռական» քայլեր են անելու մահերը կանխելու համար, բայց, այսօր, հերթական զինծառայողի մահվան մասին լսեցինք։
Դուք չեք կարողանում պաշտպանել զինվորի ապրելու իրավունքը։ Ծնողը որդուն ուղարկում է բանակ ու սպասում է վերադարձին, իսկ Սուրեն Պապիկյան, Ձեր օրոք, տղաները մահանում ու չեն հասնում տուն։
Դուք պատասխանատվություն եք կրում և պետք է հրաժարական տաք»։