«ՀՀ-ն համաձայնել է արտատարածքային միջանցքին». «ՀայաՔվե»

«ՀայաՔվե»-ի թելեգրամյան գրառումը․ «Առնվազն կես տարի առաջ այս իշխանությունը բոլոր առիթներով ասում էր՝ միջանցք չի լինելու, և Հայաստանը պատրաստ է իր տարածքը տրամադրել այն պայմաններով, ինչ Իրանը։

Արարատ Միրզոյանն օրերս Անթալիայում բառացիորեն ասաց՝ Ադրբեջանի հետ նախատեսել ենք պարզեցված ընթացակարգեր, ըստ որոնց՝ երկաթուղային հաղորդակցության դեպքում ադրբեջանական բեռները կհայտարարագրվեն Ադրբեջանում, գնացքներն առանց կանգառի կհատեն ՀՀ սահմանը երկու անգամ և կհասնեն Նախիջևան։

Ավելի պարզ ասել, որ ՀՀ–ն համաձայնել է արտատարածքային միջանցքին, անհնար է:
Իսկ բոլոր այն մարդիկ, ովքեր մեզ պատերազմով են սպառնում, պետք է հասկանան՝ մեր տուն պատերազմի դժբախտությունը բերել է խաղաղության մասին ամենաշատը բարձրաձայնած իշխանությունը»: