Շուրջ 50 հազար ԱՄՆ դոլար արժեցած «դարի հաղթանակը»` պատուհաս Կառավարության համար. «Ժողովուրդ»
![]() 904 Շաբաթ, 19 ապրիլի, 2025 թ., 09:00 «Ժողովուրդ» օրաթերթը գրում է. ««Հայասաթ 1»-ը դարձել է ձախողում Հայաստանի տիեզերագնացության հիմքի համար։ Հիշենք «Հայասաթ 1»-ի մասին. «Հայասաթ-1»-ը Հայաստանի առաջին՝ մասնավոր նախաձեռնությամբ ստեղծված արբանյակն է, որը տիեզերք է արձակվել 2023 թվականի դեկտեմբերի 1-ին SpaceX ընկերության Falcon-9 հրթիռով ԱՄՆ-ի Վանդենբերգ ավիաբազայից։ Այն նախագծվել և կառուցվել է Հայաստանում՝ «Բազումք» Տիեզերական Հետազոտությունների Լաբորատորիա և Գիտական Նորարարության և Կրթության Կենտրոն (CSIE) հիմնադրամների համագործակցությամբ։ Թռիչքից ավելի ուշ որոշ տարակարծություններ առաջ քաշվեցին, որ այդ արբանյակը որևէ օգտակար բան չի կարող տալ Հայաստանին, նույնիսկ մեզ այդքան անհրաժեշտ արբանյակից արված պատկերները չենք ստանա։ Բայց ՔՊ-ն դա մատուցում էր իբրև դարի հաղթանակ, Ադրբեջանի դեմ լուրջ գործիք: «Ժողովուրդ» օրաթերթի տեղեկությունների համաձայն՝ «Հայասաթ 1»-ը դարձել է պատուհաս Հայաստանի և Կառավարության համար։ «Ժողովուրդ» օրաթերթը հարցմամբ դիմել էր Դատախազություն՝ հասկանալու համար, թե կոնկրետ ինչ վարույթ կա հարուցված «Հայասաթ-1» արբանյակի կապակցությամբ, ենթադրյալ փողերի լվացման գործում ինչ մանրամասներ են հայտնի դարձել, այժմ որ փուլում է քրեական գործը, գործում ովքեր կան ներգրավված և ինչպիսի փաստական տվյալներ են հայտնի։ Սակայն բազմաթիվ այս հարցերին Դատախազությունից պատասխանել էին՝ հղում անելով «Տեղեկատվության ազատության մասին» օրենքի 8-րդ հոդվածի 1-ին մասի 1-ին կետին, որը ենթադրում է պետական, ծառայողական, բանկային, առևտրային գաղտնիք։ Ստացվում է, որ իշխանությունները փորձում են գաղտնիքի անվան տակ կարևորագույն տեղեկությունները թաքցնել հասարակությունից, ծածկադմփոց անել գործը՝ հնարավորինս աննկատ։ Մինչդեռ տարբեր աղբյուրներ հաղորդում են, որ արբանյակը տիեզերք ուղարկելու ողջ ծախսը շուրջ 6 մլն դոլար է կազմում, որի վերաբերյալ ևս հարցումներ ենք կատարել, սակայն պատասխաններ դեռ Կառավարությունից չունենք»։ Մանրամասները՝ թերթի համարում: |
«Ռուսաստանի և Հայաստանի միջև առևտուրը զգալիորեն կրճատվել է»․ Օվերչուկ
205Երեկ, 12:37Ինչու է Ռուսաստանն արգելում «Սպայկա»-ի մուտքը․ «Հրապարակ»
168Երեկ, 09:06«Բա որ ամեն ինչ այդքան լավ է, այս նոր վարկերը ինչի՞ եք վերցնում». Արմեն Եղիազարյան
168Երեկ, 01:12«Վեդի համայնքում հոսանքի ամենօրյա տատանումները գույքային մեծ վնաս են պատճառում»․ Մհեր Կարագոզյան
17303.09.2025, 15:12«Այս տեսանյութը պետական միջոցների մսխման մասին է». Արթուր Չախոյան (տեսանյութ)
19302.09.2025, 13:36«Ոչ թե կոսմետիկ լուծումներ, այլ տնտեսական նոր համակարգ է պետք»․ Դավիթ Անանյան
19801.09.2025, 17:24«Քաղաքացին հայտարարագրման պահանջն ընկալում է որպես ճնշման դրսևորում»․ Դավիթ Անանյան
25131.08.2025, 12:54ՊԵԿ-ը հորդորում է բացառել ոչ իրական պատվիրատուների անվամբ արտահանումը
24230.08.2025, 20:30