«Թքած-կպցրած մայթերի համար հիմա էլ նոր գումարներ են դուրս գրում». Արթուր Չախոյան

Բլոգեր Արթուր Չախոյանի ֆեյսբուքյան գրառումը՝ կից լուսանկարով. «Բորդյուրաշեն վարչական շրջանը հպարտորեն գովազդում է սեփական ձախողումները՝ ներկայացնելով դրանք որպես ձեռքբերում։ 2023-ին առանց բետոնի, հողի վրա «կառուցած» մայթերը քանդվել են՝ բետոնի գումարը լափելու արդյունքում։
Թքած-կպցրած մայթերի համար հիմա էլ կրկին հերոս հարկատուների հաշվին նոր գումարներ են դուրս գրում՝ թքածները ժամանակավոր կպցնելու համար։
2023թ-ին այդ «բարեկարգումների» ընթացքում, երբ ցույց էի տալիս այդ երկար կյանք չունեցող, կոռուպցիոն, առանց բետոն իրականացված «բարեկարգումները», ինձ ինչ ձևի ասես, որ չզրպարտեցին՝ շպիոնից սկսած մինչև ազգի դավաճան։ Բայց ժամանակը ցույց տվեց, որ ես ճիշտ էի, իսկ իրենք՝ սխալ։
Հետաքրքիր է՝ ՔՊ-ականների մոտ գումարի չափման միավորը․ խորանարդ մետրո՞վ են հաշվում, թե՞ կիլոմետրով»: