«Ամիսուկես չէի կարողանում հայտարարագիրը լրացնել»․ Թադևոս Ավետիսյան

661

Երկուշաբթի, 21 ապրիլի, 2025 թ., 12:30

«Հունվարի 1-ից փորձում էի լրացնել էդ հայտարարագիրը։ Ամիսուկես չստացվեց, ստիպված ծանոթ խառնեցի ՊԵԿ-ում, պաշտոնական դիրքս չարաշահեցի, մի կերպ կարողացա լրացնել։ Համակարգը ներդրել եք՝ առանց խնդիրները լուծելու»,- ԱԺ-ում ասաց ընդդիմադիր պատգամավոր Թադևոս Ավետիսյանը՝ նշելով, որ համակարգը շատ բացթողումներ ունի, որոնք պետք էր կանխատեսել՝ հանրության մոտ բացասական վերաբերմունք չձևավորելու համար։
Նշենք՝ ԱԺ արտահերթ նիստում քննարկվում է ՀՀ ֆիզիկական անձանց եկամուտների համընդհանուր հայտարարագրերի ներկայացման վերջնաժամկետը մինչև նոյեմբերի 1-ը սահմանելու վերաբերյալ հարցը։ Նախագծի հեղինակն է ՔՊ-ական պատգամավոր Բաբկեն Թունյանը։