«Տեսնելով, որ պատմության հիմարագույն սխալն են արել, սկսեցին կրկին մեղադրել Սերժ Սարգսյանին»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը. «Սերժ Սարգսյանի հրաժարականից անցավ 7 տարի և ոչ մի մեղադրանք ու բամբասանք այդպես էլ կյանք չունեցավ, մնաց միայն անողնաշար հայտնի բրիգադի վայրահաչոցը, որը նույնիսկ մեկնաբանման կարիք չունի, բրիգադիրին էլ բոլորը արդեն գիտեն:
Տեսնելով, որ պատմության հիմարագույն սխալն են արել և չեն կարող առերեսվել ճշմարտության հետ, սկսեցին իրենք իրենց մեղադրելու փոխարեն կրկին մեղադրել Սերժ Սարգսյանին՝ հիմա էլ իբր Փաշինյանին բերելու մեջ:
Այս նենգ մանիպուլյացիաների ժամանակն էլ կանցնի, բամբասանքների ու ստերի դարն էլ կանցնի, կմնա ՀՀ 3-րդ նախագահ Սերժ Սարգսյանի ղեկավարած տասը ապահով, անվտանգ և զարգացող տարիների մասին միայն փաստերը, որոնք անհերքելի են»: