«Պատրաստվում էին հա՞, որ դրոշը այրվեր. մեկ ամիս է՝ նախապատրաստական կրակոցնե՞ր էին»․ Ռոբերտ Քոչարյան

«Մեկ ամիս է՝ պատրաստվում էին, հա՞, որ դրոշը այրվեր, և մեկ ամիս է՝ նախապատրաստական կրակոցներ էին հա՞․ լա՛վ, աբսուրդների դաշտ չմտնենք»,- Ծիծեռնակաբերդում լրագրողների հետ զրույցում այսպես արձագանքեց ՀՀ երկրորդ նախագահ Ռոբերտ Քոչարյանը՝ անդրադառնալով դիտարկմանը, որ վարչապետ Նիկոլ Փաշինյանը դատապարտել է երեկ Ջահերով երթի ժամանակ Թուրքիայի ու Ադրբեջանի դրոշների հրկիզումը՝ այն համարելով սադրիչ և հրահրող։

Հիշեցնենք՝ վարչապետի մամուլի քարտուղար Նազելի Բաղդասարյանն այս առիթով հայտարարել է․ «Վարչապետ Փաշինյանը դատապարտում է այդ գործելակերպը՝ այն համարելով անպատասխանատու և անընդունելի։ Միջազգայնորեն ճանաչված պետության, առավել ևս հարևան պետությունների դրոշների այրումը պետության ղեկավարի կողմից չի կարող այլ վերաբերմունքի արժանանալ։ Դա սադրիչ և հրահրող գործելակերպ է»: