«Գիշերվա ժամերին կրակոցներ կան․ մի քանի անգամ գնդակը դիպել է տանը». Ռոբերտ Ղուկասյան

«Տևական ժամանակ է՝ գիշերվա ժամերին կրակոցներ կան: Այդ մասով ինչ տեղեկատվություն բոլորին հասանելի է, այդքանն էլ իրականությունն է»,- լրագրողների հետ զրույցում նշեց Սյունիքի մարզպետ Ռոբերտ Ղուկասյանը՝ անդրադառնալով Սյունիքի մի քանի գյուղերում պարբերաբար լսվող ադրբեջանական կրակոցներին:

Անդրադառնալով դիտարկմանը, որ նաև բնակավայրերի ուղղությամբ են կրակոցներ եղել, Խոզնավարում կրակոցների հետևանքով նաև տուն էր վնասվել, մարդիկ տանիքներից փամփուշտներ են հավաքել, մարզպետը նշեց․ «Այո՛, մի քանի անգամ գնդակը դիպել է տանը․․․ Իհարկե, շատ վատ է, որ կրակում են՝ նաև մարզի դիմադրողականության առումով: Բայց մենք միջոցառումներ ենք ձեռնարկում, որ մարզը ոչ մի վայրկյան իր դիմադրողականությունը չկորցնի»։

Ղուկասյանը՝ հույս հայտնեց, որ առաջիկայում այս խնդիրը կլուծվի: