Երկուշաբթի, 14 սեպտեմբերի, 2026 թ.
|
Ստեփանակերտում`   +27 °C

«Իրանը և Հնդկաստանն առաջինն էին, որ օգնության ձեռք մեկնեցին». Արա Պողոսյան

«Իրանը և Հնդկաստանն առաջինն էին, որ օգնության ձեռք մեկնեցին». Արա Պողոսյան
431
Կիրակի, 27 ապրիլի, 2025 թ., 23:42

Քաղաքագետ Արա Պողոսյանի ֆեյսբուքյան գրառումը․ «Զարմանալի զուգադիպությամբ այս օրերին ողբերգական իրադարձություններ են տեղի ունեցել Հայաստանի և հայ ժողովրդի երկու մերձավոր բարեկամ և դաշնակից երկրներում՝ Իրանում և Բհարաթում (Հնդկաստանում): Բանդար Աբբասում պայթյունը և ահաբեկչական հարձակումը Հնդկաստանի Ջամմու և Քաշմիր շրջանում, որտեղ՝ Բայսարան հովտում, զինված գրոհայինները կրակ են բացել զբոսաշրջիկների վրա։ Հարձակման պատասխանատվությունն ստանձնել է Պակիստանի հետ կապված «Աֆղանական դիմադրության ճակատ» խմբավորումը։
Ցավում ենք և կիսում բարեկամ ժողովուրդների ցավը, մաղթում տուժածներին շուտափույթ ապաքինում, իսկ զոհերի ընտանիքներին՝ համբերություն և մխիթարություն։
Հայ ժողովուրդը անցել է ողբերգությունների հսկա շղթայով և այդ ընթացքում զգացել բարեկամների նեցուկը։ Հատկապես 2020 թվականին Ադրբեջանի կողմից Լեռնային Ղարաբաղի Հանրապետության դեմ սանձազերծված ագրեսիվ պատերազմից հետո Իրանը և Հնդկաստանն առաջինն էին, որ կանգնեցին հայ ժողովրդի շահերի պաշտպանության դիրքերում և օգնության ձեռք մեկնեցին»։

Աղբյուրը`   Արա Պողոսյան