Մայրը 4 ամսական տղային հայտնաբերել է օրորոցում մահացած

571

Երեքշաբթի, 29 ապրիլի, 2025 թ., 12:36

Երեկ՝ ապրիլի 28-ին ողբերգական դեպք է տեղի ունեցել Լոռու մարզում: Ժամը 22:00-ի սահմաններում ՆԳՆ տեղեկություններ են ստացվել, որ մարզի գյուղերից մեկի տանը երեխայի դի կա: Ինչպես հայտնում է Գագիկ Շամշյանը, նշված տանը քրեական ոստիկանները հայտնաբերել են 4 ամսական Մայքլ Ֆ-ի դին: Դեպքի փաստով քննչական վարչությունում «սպանություն» (հանկարծամահություն, դժբախտ պատահար) հատկանիշներով նախաձեռնվել է քրեական վարույթ: Ըստ նախնական տեղեկությունների՝ երեխայի մայրը ժամը 17:00-ի սահմաններում տղային կաթ է տվել, ապա գնացել աշխատանքի: Ժամը 21:50-ի սահմաններում վերադառնալով տուն՝ երեխային հայտնաբերել է մահացած: