Տնտեսվարողները շարունակում են բողոքել հարկերի բարձրացումից․ ՈՒՂԻՂ ՄԻԱՑՈՒՄ

Տնտեսվարողները կրկին բողոքի ակցիա են իրականացնում, այս անգամ ԱԺ շենքի դիմաց։ Նրանց պահանջը նույնն է՝ վերանայել շրջհարկի բարձրացման վերաբերյալ որոշումը։
Նշենք՝ Կառավարությունը 6-ամսյա անցումային շրջան է սահմանել մինչև հուլիսի 1-ը ներառյալ։ Տնտեսվարողների խոսքով, հայտարարված 6-ամսյա անցումային շրջանն ուղղակի խաբեություն է, այն վերաբերվում է միայն նրանց, ովքեր հունվարի 1-ի դրությամբ հանձնել են մնացորդի ցանկ, կատարել են գույքագրում, սակայն իրենց պայքարը հենց գույքագրման դեմ է։
«Եթե մեր հարցը չլուծվի, փողոցներ ենք փակելու, ակցիաները շարունակվելու են»,- ասում են տնտեսվարողները։
Երևանի ավագանու «Մայր Հայաստան» խմբակցության անդամ Արշակ Սարգսյանի խոսքով բոլոր որոշումները կայացվում են մեկ անձի՝ Նիկոլ Փաշինյանի կողմից։ Նրա խոսքով բյուջեն լցնելու համար «պետք չէր այս ամենը ջարդել ՓՄՁ ներկայացուցիչների գլխին»։
Հիշեցնենք, որ 2025 թվա­­կանի հունվարի 1-ից ուժի մեջ է մտել «ՀՀ հարկային օրենս­գրքում փոփոխություններ կատարելու մասին» օրենքը, որով վերանայվել է առևտրա­կան գործունեության մասով սահմանված շրջանառության հարկի դրույ­քա­չափը (5 տոկոսից դարձել է 10 տոկոս), ինչպես նաև այդ գործունեությունից ձևավորվող հարկ­ման բազայի մասով հաշվարկված շրջա­նառության հարկի գումարից նվազեցման ենթակա ծախ­սերի սահմանաչափը՝ 4%-ից դառնալով 9.5%։