«ՌԴ-ի համար ամենամեծ հարվածը եղել է ԼՂ-ում հայերի էթնիկ զտումը»․ Բենիամին Պողոսյան

«Տեսնում ենք, թե ինչպես է Հարավային Կովկասում դանդաղորեն, բայց այդուհանդերձ, նվազում ՌԴ ազդեցությունը։ Թուլանում է նաև ՌԴ ռազմական ներկայությունը ՀՀ-ում, չկան ռուս սահմանապահներ հայ-ադրբեջանական սահմանին, հայ-իրանական անցակետին, շատ են խոսակցությունները, որ առաջիկայում ընդհանրապես չեն լինի ռուս սահմանապահներ»,- այս մասին «Ռուսաստանի և ԱՄՆ-ի երկխոսությունը և հնարավոր հետևանքները եվրասիական անվտանգության և Հարավային Կովկասի համար» թեմայով քննարկման ժամանակ ասաց քաղաքագետ Բենիամին Պողոսյանը։

«ՌԴ-ի համար ամենամեծ հարվածը եղել է ԼՂ-ում հայերի էթնիկ զտումը։ Այն փաստը, որ այժմ ԼՂ-ում չկան հայեր և չկան ռուսական խաղաղապահ ուժեր, մեծ հարված էր ՌԴ-ի համար»,- ասաց քաղաքագետը՝ հավելելով, որ ՌԴ ազդեցության թուլացման դեպքում նրան կփոխարինի Թուրքիան։