«Իշխանություն-ընդդիմություն մեղադրական տիրույթից դուրս այլ գործընթաց չի կատարվում». Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Իշխանությունն ընդդիմությանը ասում է «ռուսի շպիոն», ընդդիմությունն իշխանությանն ասում է «թուրքի շպիոն», կամ «սորոսի շպիոն»:

Զբաղվում են, ուրիշ ի՞նչ անեն: Ինչ կարողանում, այն էլ անում են:

Ես վերստին ասում եմ, որ Հայաստանում ամենից ծանրը այն չէ, ինչ կատարվում է իշխանություն-ընդդիմություն տիրույթում, այլ այն, որ դրանից դուրս, ըստ էության, չի կատարվում որևէ առարկայական այլ գործընթաց, որը թույլ կտար խոսել Հայաստանում որակապես նոր միջավայրի ձևավորման ուղղությամբ ռազմավարական հաստատուն աշխատանք:

Իհարկե, համաձայն եմ, որ այդ աշխատանքը պահանջում է մի քանի կարևորագույն ռեսուրս՝ ֆինանսական, մտավոր-ստրատեգիական, և կամային:

Եթե դրանք կան, առայժմ չեն դրսևորվում այն տեսքով ու ծավալով, որը թույլ կտա համարել, որ ձևավորվոում է քաղաքական նոր մրցակցային իրականություն:

Ես սա չեմ ասում որևէ մեկին նախատելու տրամաբանությամբ: Դա իսկապես շատ բարդ և ռազմավարական համբերատարություն ու միտք պահանջող աշխատանք է: Ես արձանագրում եմ պարզապես առկա իրողությունը»: