«Մտածում են, թե բոլորն իրենց պես ընկած են սրա-նրա դուռը՝ «դաբրոներ» աղերսելու»․ Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը․ «Երբ իշխանությունը այս կամ այն ուժին, գործչին կապում է ՌԴ-ի հետ «մութ համագործակցությունների» հետ, դա ասում է ո՛չ թե այդ ուժերին վիրավորելու, այլ Մոսկվային իր թշնամական վերաբերմունքն արտահայտելու համար:
Երեկ մեկն էլ ԱԺ ամբիոնից Հայկ Մամիջանյանին «հակադարձում» էր, թե ՀՀԿ-ն հայրենական պատերազմի հաղթանակի միջոցառման կարար այլ երկրում էլ մասնակցեր, սակայն ՌԴ էր գնացել, ակնարկելով, որ դա Մոսկվային ուղղված ռևերանս էր, որն ուներ ընտրական տրամաբանություն:
Քաղաքական մանկամտության ու պրիմիտիվության վառ օրինակ:
Նախ ՀՀԿ-ն ամեն տարի, տարբեր ձևաչափերով միջոցառումների է մասնակցում և՛ Մոսկվայում, և՛ եվրոպական տարբեր մայրաքաղաքներում, երկրորդ, կոնկրետ հաղթանակի օրվա միջոցառման հրավիրել էին ՌԴ-ից: Նույն այդ օրերին, ԵԺԿ այլ միջոցառմանն էլ ՀՀԿ այլ պատվիրակություն էր մասնակցում և ի՞նչ:
Սրանք իրենց թուրք-ադրբեջանական վոյաժներն ու դրանց տված երդումները խառնում են՝ մտածելով, թե բոլորն իրենց պես ընկած են սրա-նրա դուռը «դաբրոներ» աղերսելու և իշխանություն ունենալու:
Հանուն իշխանության երկարաձգման երկրի ինքնիշխանությունն ու տարածքային ամբողջականություն զիջածներն ու թշնամուն հպատակվածները դեռ երես էլ ունեն խոսում են»: