«Օրական 1700 դրամ աշխատավարձ չունենք բանակում, մոտ 4000 է»․ Արման Սարգսյան

ԱԺ «Հայաստան» խմբակցության պատգամավոր Գեղամ Մանուկյանն իր ելույթում հայտնել էր, որ պատգամավորները օրական ստանում են 22 հազար դրամ, պարեկը՝ 11 հազար դրամ, իսկ ձյանն ու անձրևին սահմանին հերթապահող զինծառայողը՝ 1700 դրամ։ ՊՆ փոխնախարար Արման Սարգսյանը հակադարձեց պատգամավորին՝ ասելով․ «Օրական 1700 դրամ աշխատավարձ հասկացողություն առհասարակ չունենք։ Մարտական հերթապահություն իրականացնող զինծառայողն օրական ստանում է մոտ 4000 դրամ, որի վրա ավելանում է հավելյալ գումար՝ ելնելով մարտական դիրքի վիճակից»,- ասաց Սարգսյանը։ Նա նաև խոսեց ատեստացիայի արդյունավետության մասին՝ հավելելով, որ դրա շնորհիվ, օրինակ, սերժանտի աշխատավարձը կարող է հասնել մինչև 670 հազար դրամի։