«Միջանցքի տրամադրումը բացառվում է»․ Մնացական Սաֆարյան

«Մենք շարունակում ենք հավատարիմ մնալ խաղաղության օրակարգին և շարժվել այդ ուղղությամբ»,- լրագրողների հետ զրույցում ասաց ԱԳ փոխնախարար Մնացական Սաֆարյանը՝ անդրադառնալով Խաղաղության համաձայնագրի կնքման ուղղությամբ գործընթացներին։ Ադրբեջանի պահանջների վերաբերյալ հարցին ի պատասխան, ԱԳ փոխնախարարն ասաց, որ բացառվում է միջանցքի տրամադրումը․ «Իհարկե բացառվում է, քանի անգամ ասել ենք, նույն բանը հարցնելու իմաստը ո՞րն է, մեր դիրքորոշումը չի փոխվել»։
Դիտարկմանը, թե շատ դիքորոշումներ են հետո փոխվել, Սաֆարյանն ասաց, որ այն այս պահին անփոփոխ է, ինչպես անփոփոխ է ապաշրջափակման վերաբերյալ դիրքորոշումը։