«Վստահ եմ՝ հաջողվելու է հասնել Նիկոլ Փաշինյանի՝ սահմանադրական ճանապարհով հեռացմանը»․ Էդգար Ղազարյան

Հասարակական-քաղաքական գործիչ Էդգար Ղազարյանի ֆեյսբուքյան գրառումը․ «Երբ Ազգային ժողովի պատգամավորները չեն նախաձեռնում Նիկոլ Փաշինյանին անվստահություն հայտնելու (իմպիչմենտի) գործընթաց (2022 թվականի օգոստոսի 2-ից առկա հնարավորությունից մինչ օրս), ապա Նիկոլ Փաշինյանը շարունակում է մնալ վարչապետի պաշտոնում՝ կորուստներ բերելով մեր պետությանն ու ժողովրդին։
Եթե ցուցաբերվի նման նախաձեռնություն և այն հաջողությամբ չպսակվի, ապա Նիկոլ Փաշինյանը կշարունակի մնալ վարչապետի պաշտոնում այնպես, ինչպես հիմա, այսինքն՝ ոչինչ չի փոխվի։ Իսկ եթե լինի նախաձեռնություն և դրա դեմ խոսելու փոխարեն բոլորը մեկտեղ իրենց լավագույն ջանքերը, անհրաժեշտության դեպքում դիմեն հասարակության աջակցությանը, ապա, մեծ հավանականությամբ, այն կհաջողի և Նիկոլ Փաշինյանը կվռնդվի վարչապետի պաշտոնից։
Մնում է հասկանալ, թե ինչո՞ւ Ազգային ժողովի պատգամավորները, անգամ նման հանրային արձագանքի պարագայում, ոչ միայն չեն նախաձեռնում այդ գործընթացը, այլև փորձում են ներկայացնել բացարձակ անհիմն ու անիմաստ առարկություններ, պատճառաբանություններ և պահանջներ, թիրախավորում և, երբեմն, վիրավորում են այդ պահանջով հանդես եկող քաղաքացիներին, դրանում փորձում փնտրել այլևայլ, գոյություն չունեցող նպատակներ։
Ես առավել քան վստահ եմ, որ մեզ հաջողվելու է սկզբում հաղթահարել իրենց ընդդիմադիր հռչակած, իսկ հետագայում՝ «քպ-ական» պատգամավորների դիմադրությունը և հասնել ցանկալի նպատակին՝ Նիկոլ Փաշինյանի սահմանադրական ճանապարհով խաղաղ հեռացմանը»։