Որոշել են զուսպ լինել. «Հրապարակ»

«Հրապարակ»-ը գրում է. «Թեպետ Նիկոլ Փաշինյանն ու թիմն արտաքուստ ցույց են տալիս, թե Ռուսաստանի հանդեպ իրենց քաղաքականությունն արդարացի է ու հիմնավորված, Հայաստանն էլ ինքնիշխանության ծաղկունք է ապրում, ու իրենք «ոտքը գազից չեն հանելու», իրականում սարսափած են ռուսական պատժամիջոցներից և հասկանում են, թե ինչի կարող են հանգեցնել դրանք։

Այդ պատճառով Բիշքեկից վերադառնալուց հետո, մեր տեղեկություններով, Փաշինյանի անունից թիմին զգուշացվել է՝ հնարավորինս զուսպ լինել Ռուսաստանի մասին խոսելիս, երբեմն անգամ ՌԴ-ին ուղղված հավատարմության հայտարարություններով հանդես գալ, մինչև հասկանան, թե ինչպես է ավարտվելու ռուսական պարտադրանքը՝ ԵՄ-ի և ԵԱՏՄ-ի միջև կողմնորոշվելու վերաբերյալ։ Ասում են՝ անգամ ամենասրսուռ արևմտամետներն են ենթարկվում հրահանգին, քանի որ դեռևս Հայաստանի՝ ԵՄ-ին անդամակցելու փակ քննարկումների ժամանակ գրեթե բոլորը նշել են սպասվող ռիսկերը և խորհուրդ են տվել ղեկավարությանը՝ ԵՄ-ից հստակ երաշխիքի դեպքում բռնել այս ճանապարհը։ Այս հարցում էլ է Փաշինյանը սորոսականներից ավելի արկածախնդիր գտնվել»: