«Ընդդիմությունը նստած հաց ու սոխ էր ուտում, Նիկոլ Փաշինյանն էլ համբալ ասե՞ց». Վահագն Ալեքսանյան

Լրագրողների հետ ճեպազրույցի ժամանակ Վահագն Ալեքսանյանը անդրադարձավ ԱԺ ամբիոնից Արսեն Թորոսյանի հայհոյանքներին՝ ասելով. «Շատ հաճախ լինում է այնպես, որ մեր ընդդիմադիր պատգամավորների լկտի, փողոցային սադրանքներին ու վիրավորանքներին ի պատասխան՝ մենք պահի տակ չենք կարողանում մեզ զսպել ու նույնի շատ ավելի թեթև եղանակներով փորձում ենք պատասխանել։ Իհարկե, պետք չէ իջնել ընդդիմության մակարդակին։ Եթե ինչ-որ մեկը դնի ու մոնիթորինգ անի, թե մենք քանիսն ենք կուլ տալիս և քանիսին ենք արձագանքում, ինչքան է տևում, մինչև մեր համբերության բաժակը լցվի, կերևա, թե մենք ինչքան զուսպ ենք։ Ես ձեզ վստահեցնում եմ»,- ասաց Ալեքսանյանը։
Հարցին, թե նորմա՞լ էր, որ Փաշինյանն ընդդիմությանը «Համբալ» է անվանում՝ Ալեքսանյանը պատասխանեց. «Ընդդիմությունն իր համար հաց ու սոխ էր ուտում, ոչ մեկի չէր վիրավորել, Փաշինյանն էլ «համբալ» ասե՞ց»։