«ՊԵԿ աշխատողներն Իջևանում մեծ տուգանքներ են կիրառում»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «ՊԵԿ աշխատողները Իջևանում մեծ տուգանքներ են կիրառում
Իջևան քաղաքից հայտնում են, որ Երևանից եկած հարկային տեսուչները փոքր խանութների տերերի վերաբերյալ մեծ տուգանքների արձանագրություններ են կազմել։ Նրանց բողոքների համաձայն՝ դեպք կա, երբ նորաբաց փոքր խանութում Երևանից ժամանած ՊԵԿ 2 աշխատակից միտումնավոր, տուգանքներ կիրառելու նպատակով 1 րոպեի ընթացքում երկու տարբեր գյուղմթերք են գնել և 2 դեպքում էլ տուգանքի արձանագրություն գրել։ Իջևանցիները հայտնում են, որ փոքր տնտեսվարող կա, որի վերաբերյալ մոտ 700 հազար դրամ տուգանքի արձանագրություններ են ձևակերպել։ Իջևանցի փոքր տնտեսվարողները լրագրողիս դժգոհեցին, որ իրենց համաքաղաքացի Նիկոլ Փաշինյանը իրենց հաշվին պետական բյուջե է լցնում, որ հետո պետական պարգևավճարներով այն մսխի»։