«Նիկոլ Փաշինյանը չգիտի՞, որ «որոշ շրջանակները» հենց Իլհամ Ալիևն է»․ Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը․ ««Ցավոք, տեսնում ենք կոնկրետ քաղաքական շարժումներ Ադրբեջանում, որոնք հիմք են տալիս մտածելու․․․նվազագույնը Ադրբեջանում կան շրջանակներ, որոնք ցանկանում են, եթե կարելի է այդպես ձևակերպել, փակել հակամարտության էջը իրենց տարածքում և այն տեղափոխել Հայաստանի տարածք․․․»,- սա Փաշինյանի՝ ադրբեջանական հեռուստաընկերությանը տված հարցազրույցից մի հատված է, որը ամենից շատ գրավեց իմ ուշադրությունը։ Ինձ մոտ հարց առաջացավ, տեսնես Փաշինյանը չգիտի՞, որ «որոշ շրջանակները» հենց Իլհամ Ալիևն է, ով մեր երկիրը կոչում է «Արևմտյան Ադրբեջան» ու դա 2024 թվականից ի վեր դասավանդում է Ադրբեջանի հանրակրթական դպրոցներում։ Երևի իրեն չեն զեկուցում դրա մասին, որ շարունակի հավատալ միակողմանի զիջումներով «խաղաղության» կառուցման մասին սեփական հնարած հեքիաթներին․․․»։