«Հնդկաստանը կարող է օգնել Աֆղանստանի թալիբական ռեժիմի՝ դուրս գալ միջազգային մեկուսացումից»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Թալիբանը փաստորեն շա՜տ ավելի դիավանգիտական մոտեցումներ և միջազգային իրադարձությունների ընկալում ունի, քան Հայաստանի իշխանությունները։
Ուրեմն՝ դեռևս թալիբանի իշխանության տապալումից հետո թալիբանը սկսեց աջակցություն ստանալ Պակիստանից, երբեմն ԱՄՆ կոալիցիոն ուժերից և աֆղանական նոր ռեժիմից պաշտպանվելու համար ապաստան էին ստանում նաեւ Պակիստանում։ Ի դեպ՝ Ալ-Քաիդայի տարաբեր բջիջներ ևս աջակցություն էին ստանում Պակիստանի կողմից։
Վերջերս՝ Պակիստանը փորձելով խորամանկել և Աֆղանստանի թալիբներին Հնդկա-պակիստանյան կոնֆլիկտի մեջ ներքաշելու համար տարածեց տեղեկություններ, թե իբր Հնդկաստանը հրթիռներ է արձակել Աֆղանստանի ուղղությամբ։ Անգամ տեղեկություններ տարածվեցին, որ Պակիստանն ինքն է փորձել հրթիռներ արձակել Աֆղանստանի ուղղությամբ և դրա կատարման մեջ մեղադրել Հնդկաստանին։ Սակայն աֆղանական ռեժիմը շա՜տ ավելի շրջահայաց եղավ։ Աֆղանստանի ԱԳ ներկայացուցիչն հայտարարել է, որ դատապարտում են Պահալգամի ահաբեկչությունը և աջակցում են Հնդկաստանի դիրքորոշումը։
Աֆղանստանը կարծում եմ բավականին խելամիտ է դիրքավորվում, Պակիստանի և Հնդկաստանի միջև ընտրելով Հնդկաստանին, որը տնտեսական լրջագույն գործոն է ո'չ միայն տարածաշրջանում, այլև աշխարհում։ Բացի այդ, Հնդկաստանն ունի միջազգային հեղինակություն և կշիռ, ինչը կարող է բարերար ազդեցություն ունենալ նաև Աֆղանստանի թալիբական ռեժիմի համար՝ վերջինիս օգնելով դուրս գալ միջազգային մեկուսացումից՝ նպաստելով իմիջային դրական փոփոխության»։