Շաբաթ, 07 հունիսի, 2025 թ.
|
Ստեփանակերտում`   +14 °C

«Կենսաթոշակը բարձրացել է 10-12%-ով, իսկ պարենային ապրանքների գները՝ 45-70%-ով»․ «ՀայաՔվե»

«Կենսաթոշակը բարձրացել է 10-12%-ով, իսկ պարենային ապրանքների գները՝ 45-70%-ով»․ «ՀայաՔվե»
584
Շաբաթ, 17 մայիսի, 2025 թ., 16:36

«ՀայաՔվե»-ի թելեգրամյան գրառումը․ «Փաշինյանի կառավարման 7 տարում կենսաթոշակները բարձրացել են 10-12 տոկոսով, այն դեպքում, երբ պարենային ապրանքների գներն այս ընթացքում առանձին խմբերում բարձրացել են 45-ից 60, երբեմն՝ 70 տոկոսով:

•Այս եռամսյակում, օրինակ, հարկային պլանավորված եկամուտները կատարվել ու գերակատարվել են տարատեսակ իրավական պատժամիջոցների հետևանքով պետբյուջե մուտք արված «այլ եկամուտների» բաժնի շնորհիվ (դրանում ներառված են տուգանքները, տույժերը, իրավախախտումների հետևանքները):

Այսինքն, այս իշխանությունները պլանային աշխատանքները կատարում են տուգանքի գործիքով։ Ընդ որում, այլ եկամուտներում զգալի մաս է կազմել տարատեսակ վերականգնումների բաժինը, երբ զանազան իրավական միջոցներով խմբերի կամ անհատների առաջադրվել են նախնական վճարումներ կատարելու պահանջներ, հավանաբար, որպեսզի նրանց նկատմամբ առավել մեղմ մոտեցումներ որդեգրվեն՝ այն դեպքում, երբ քրեական գործերի քննությունն ավարտված չէ, ու դեռևս չկան դատավճիռներ:

Աղբյուրը`   ՀայաՔվե