«Կա՛մ Կիևին կապիտուլյացիա կպարտադրվի, կա՛մ կսկսվի համաեվրոպական պատերազմ»․ Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Դոնալդ Թրամփն անոնսավորել է, որ եկող երկուշաբթի, Վաշինգթոնի ժամանակով 10:00-ին, Երևանի ժամանակով դա 18:00- է, հեռախոսազրույց կունենա Վլադիմիր Պուտինի հետ՝ քննարկելու ռուս-ուկրաինական պատերազմում հրադադարի հաստատման հետ կապված հարցեր: Ժամեր անց ՌԴ ԱԽ նախագահի տեղակալ Դմիտրի Մեդվեդևը սոցիալական X հարթակում գրել է. «Ռուսաստանի բոլոր ոչ բարեկամները, որ բանակցային ուլտիմատումներ են ներկայացնում, պետք է իմանան, որ բանակցություններն ինքնին խաղաղություն չեն երաշխավորում: Անհաջող բանակցությունները կարող են նոր արյունալի պատերազմի պատճառ դառնալ՝ նոր սպառազինություններով և մասնակիցներով հանդերձ»: Սա Պուտինի վերջնագիրն է Թրամփին. կա՛մ նա Կիևին կապիոտւլյացիա է պարտադրում, ընդ որում՝ բացառապես Ռուսաստանի պայմաններով, կա՛մ սկսվում է համաեվրոպական լայնածավալ պատերազմ՝ տակտիկական միջուկային զենքի կիրառմամբ: Պատահական չէ, որ երեկ ՌԴ պաշտպանության նախարար Բելաուսովը գործուղվել է Մինսկ և Բատկայի հետ քննարկել «միութենական պետության արևմտյան սահմանների անվտանգության ապահովմանը լրացուցիչ միջոցներ ներգրավելու» հարցը: Իսկ Ֆրանսիայի նախագահ Մակրոնը վերջապես եկել է համոզման, որ Պուտինը Թրամփին քամահրել է, և Սպիտակ տունը պետք է մտածի, թե ինչ պատասխան ունի: Պատասխանը պետք է տրվեր 2008 թվականին, երբ ռուսական տանկերը Թբիլիսիից քսան կիլոմետր հեռավորության վրա էին: Եթե Արևմուտքը թուլամորթ չգտնվեր, այսօր Վարշավայի անվտանգության մասին չէր մտածի»: