«Միութենական պետությանը միանալու խոսակցություն երբեք չի եղել»․ Ռոբերտ Քոչարյան

«Անընդհատ փորձում են ինձ կապել միութենական պետությանը միանալու թեզը»,- հարցազրույցի ժամանակ ասաց երկրորդ նախագահ Ռոբերտ Քոչարյանը՝ հավելելով, որ միութենական պետությունը ստեղծվել է 1999 թվականին, իսկ ինքը նախագահել է մինչև 2008 թվականը և այդ 9 տարիների ընթացքում երբեք որևէ նման խոսակցություն իր հետ չի եղել․ «Փորձեր էլ չեն եղել։ Երբևէ նման խոսակցություն ինձ հետ չի եղել։ Իսկ ինչո՞ւ են այդ թեզն օգտագործում, երբ խոսում են իմ մասին։ Իսկ վերջին երկու ամիսը միայն իմ մասին են խոսում, ուրիշ հերոսի անուն չգիտեն։ Բացասական վերաբերմունք է ստեղծվել Բելառուսի նախագահի նկատմամբ, դրա համար է այդ թեման անընդհատ շոշափվում։ Իմ նախագահության ժամանակ Բելառուսը երբեք քայլ չի արել, որ մեր դժգոհությունն առաջացնի, հակառակը միշտ մեր կողքին կանգնած է եղել»,- ասաց Քոչարյանը՝ հավելելով, որ, միութենական պետության թեման շահարկելով, ուզում են ՌԴ-ի հետ հարաբերոյունթյունների «գրավչությունը նվազեցնել»։