«Վրաստանի դեսպանատան ներկայացուցիչն ասաց՝ իրենք ոչ մի հարց չեն կարող լուծել». ակցիայի մասնակից

Կոնյակագործները փակեցին ՀՀ-ում Վրաստանի դեսպանատան հարակից փողոցի երթևեկությունը: Գործարաններից մեկի ներկայացուցիչը, դուրս գալով դեսպանատան շենքից, փոխանցեց հետևյալը. «Մենք պահանջում ենք, որ դեսպանատան ներկայացուցիչը դուրս գա ու հանրությանը բացատրի էն, ինչ ասել է մեզ, որ ինքը ոչ մի հարց չի կարա լուծի, դեսպանատունը ոչ մի հարց չի կարա լուծի և իրա առաջարկն այն էր, որ գնանք, դատարանում, Վրաստանում մեր հարցերը լուծենք»:

Կոնյակագործների խոսքով՝ Վրաստանը տարանցիկ երկիր է, խմիչքը ՌԴ ու մերձբալթյան երկրներ է գնում, այնտեղ է վաճառվելու, ինչո՞ւ են հարևան երկրում ստուգում:

«Պատճառները մեզ համար անհասկանալի են, և փորձում ենք բոլոր մակարդակներում խնդրին լուծում գտնել»,- նախորդ շաբաթ ասել էր Էկոնոմիկայի նախարար Գևորգ Պապոյանը: