«Շատերն իրենց երեխաներին զրկում են ՀՀ քաղաքացիությունից, որ չծառայեն»․ Սուրեն Պապիկյան

«Շատերը զարտուղի ճանապարհով են ազատվել բանակից, այդ պատճառով չեն մասնակցում զորահավաքներին»,- այսօր Կառավարության նիստի ժամանակ ասաց ՀՀ ՊՆ նախարար Սուրեն Պապիկյանը՝ հավելելով նաև, որ շատ ծնողներ իրենց տղաներին զրկում են ՀՀ քաղաքացիությունից, որ չծառայեն ՀՀ բանակում։ Նա հայտնեց, որ խոսքը հազարների մասին է, սակայն ազգային անվտանգության նկատառումներից ելնելով, կոնկրետ թվեր չնշեց։
Հղում կատարելով ԱԺ ՔՊ-ական պատգամավոր Հայկ Սարգսյանի կողմից առաջարկված՝ կրճատ զինվորական ծառայության մասին նախագծին, Պապիկյանը շեշտեց․ «Հիմա հնարավորություն կտրվի, որ այն քաղաքացիները, ովքեր, անվտանգությունից ելնելով, փորձել են տարբեր ճանապարհներով բանակից ազատվել, բոլորի հետ հավասար ՀՀ ԶՈՒ-ում գոնե կրճատ ժամկետով ծառայության անցնել։
Նշենք, որ պատգամավորի նախագծին Կառավարությունը հավանություն տվեց՝ որոշակի փոփոխություններով։