Մահվան ելքով վիրահատությունից հետո հաղորդում է ներկայացվել բժիշկներ՝ Գագիկ Հեբոյանի, Քրիստինե Պողոսյանի, Հովհաննես Ավդալյանի, Գագիկ Հապետյանի, Էդուարդ Պետրոսյանի, Արա Անանյանի դեմ

Մայիսի 12-ին Կենտրոն և Նորք-Մարաշ վարչական շրջանների դատախազությունում հաղորդում է ներկայացվել Նորք Մարաշ ԲԿ բժիշկներ՝ Գագիկ Հեբոյանի (սրտային վիրաբույժ), Քրիստինե Պողոսյանի (սրտաբան), Հովհաննես Ավդալյանի (կրտսեր սրտային վիրաբույժ), Գագիկ Հապետյանի (կրտսեր սրտային վիրաբույժ), Էդուարդ Պետրոսյանի (վերակենդանացման և ինտենսիվ թերապիայի ծառայության ղեկավար), Արա Անանյանի (վիրաբուժական պացիենտների պատասխանատու բժիշկ) դեմ։
Համաձայն հաղորդման՝ սրտի բաց վիրահատությունից հետո լիարժեք ապաքինված քաղաքացին մահացել է բուժանձնակազմի՝ կյանքի համար վտանգավոր գործողությունների, իսկ ծայրահեղ ծանր վիճակում՝ անգործության հետևանքով։
Հաղորդման տեքստից տեղեկանում ենք, որ վերոնշյալ բժիշկները՝
1) Անտեսել են Սուրբ Գրիգոր Լուսավորիչ ԲԿ-ի՝ «հոսպիտալիզացիա շտապ կարգով (...)» գրավոր պահանջը, քաղաքացուն ոտքով ուղարկել են շենքից շենք, վճարումներ կատարելու, հետազոտություններ անցնելու, միայն 8-րդ օրը հոսպիտալացրել են և 12 ժամ անց, առանց ռիսկային՝ հակաթրոմբային գործողությունների և սրտամկանի ինֆարկտի Տրոպոնին հետազոտության, կատարել են սրտի բաց վիրահատություն։
2) Վիրահատությունից հետո կրիտիկական տևողություն՝ 48 ժամը չլրացած, 40-րդ ժամին, քաղաքացուն կանգնեցրել են, որպեսզի ոտքով, առանց պատգարակի և այլ հատուկ միջոցների քայլելով տեղափոխեն պալատ։ Հենց այդ պահին, քաղաքացու ոտքից պոկվել է թրոմբ և փակել է թոքերի երկու զարկերակները։
3) Քաղաքացու կյանքը փրկելու վիրահատական գործողության բուժանձնակազմը դիմել է միայն 3-րդ օրը, քանի որ միջադեպի և հաջորդող օրերը եղել են ոչ աշխատանքային և ԲԿ-ում բուժանձնակազմ չի եղել։ Այդ երեք օրերի ընթացքում թրոմբն ամբողջությամբ վնասել է քաղաքացու սիրտը և երկրորդ՝ կյանքի ցուցումով վիրահատությունից 5 ժամ անց քաղաքացին մահացել է։
4) Նորք Մարաշ ԲԿ-ն մահվան վկայականում կեղծել է մահվան պատճառը և նշել միջադեպի հետ առնչություն չունեցող մահվան դասակարգիչ:
Առաջիկա օրերին խմբագրությունը կներկայացնի այս գործի մանրամասները, միջադեպին մասնակից բժիշկների և վարչական մասի աշխատակիցների առնչության դրվագները, ինչպես նաև քննության ընթացքի մանրամասները։
ՈՒՇԱԴՐՈՒԹՅՈՒՆ
Եթե Դուք (Ձեր հարազատները) ևս տուժել եք վերոնշյալ բժիշկների, կամ Նորք Մարաշ ԲԿ-ի այլ աշխատակիցների գործողություններից, կարող եք զանգահարել խմբագրության լրահավաք հեռախոսահամարին (010 55 20 59), կամ գրել (ուղարկել ձայնագրություններ, տեսագրություններ, այլ նյութեր) [email protected] լրահավաք հասցեին, կամ ֆեյսբուքի էջին։
Խմբագրությունը երաշխավորում է տեղեկատվություն տրամադրող անձի գաղտնիությունը։



«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
177Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50613.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
76411.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81709.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
80009.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98806.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103705.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
229604.11.2026, 23:31