«Ուսապարկս բերել եմ, կկազմակերպենք իմ հանդիպումը պայմանական Տիգրան Պարսիլյանի հետ»․ Էդգար Ղազարյան

ԱԺ-ում քաղաքացիների ընդունելության և դիմումների բաժնի պետը հայտնեց հասարակական-քաղաքական գործիչ Էդգար Ղազարյանին, որ Մարդու իրավունքների պաշտպանության և հանրային հարցերի մշտական հանձնաժողովի Անդամ Տիգրան Պարսիլյանը նպատակահարմար չի գտնում ընդունել իրեն:

«Ես այսօր ուսապարկս ինձ հետ բերել եմ: Այստեղ հիմա կկազմակերպենք մեր հանդիպումը պայմանական Տիգրան Պարսիլյանի հետ: Իհարկե սա ավելի որակով և օգտակար է»,- լրագրողների հետ զրույցում ասաց Էդգար Ղազարյանը՝ նկատի ունենալով իր ուսապարկը: Ղազարյանը ուսապարկը, որպես Տիգրան Պարսիլյան, դրեց իր դիմաց և սկսեց խոսել նրա հետ::