«Այս իշխանության վարքագիծը խրախուսում է դասալքությունը»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Փոքր երկրների դեպքում «դեմիլիտարիզացիան» հենց այդպես է լինում․ ձևախեղել պարտադիր ժամկետային զինվորական ծառայության գաղափարը, հետո սոցիալական լարվածություն ու անարդարության զգացում սերմանելու համար սահմանել ծառայության «գլխագին», որով ֆինասնական հնարավորություններ ունեցողները, իրենց զավակների համար գլխագին վճարելով, կազատեն նրանց զինվորական ծառայությունից։
Սրանով բանակի թվակազմը էականորեն կնվազի,
Պրոֆեսիոնալ բանակ ասվածն էլ կդառնա ընդամենը պայմանագրային զինվորական ծառայություն (դա էլ ենք տեսել, դրա արդյունավետությունն էլ գիտենք)․․․
Թե բա փախնում են․․․ Հանցագործության դեմ պայքարում են ո՛չ թե այդ հանցատեսակը օրինականացնելով, այլ արդյունավետ պայքարի մեխանիզմ մշակելով, անհրաժեշտ միջավայր ստեղծելով, քարոզչական բավարար աշխատանք կատարելով, արդարության մթնոլորտ հաստատելով և տարբեր սոցիալական շերտերի մեջ համերաշխություն ապահովելով․․․
Իսկ այս իշխանության վարքագիծը, այո՛, խրախուսում է դասալքությունը»։