«Հիշեցնեմ երկու իրականություն»․ Սամվել Ասլիկյան

ԱԺԲ անդամ Սամվել Ասլիկյանը ֆեյսբուքյան իր էջում գրում է. «Երևանում Ռուսաստանի արտաքին գործերի նախարար Սերգեյ Լավրովը Արարատ Միրզոյանի հետ համատեղ մամուլի ասուլիսում նշեց, որ 2022 թվականի հոկտեմբերի 6-ին Պրահայում ստորագրված հայտարարությունը, որով Հայաստանը և Ադրբեջանը փոխադարձաբար համաձայնության եկան, որ խնդիրը կլուծվի Ալմա-Աթայի հռչակագրի համաձայն և Արցախը կճանաչվի որպես Ադրբեջանի մաս, բավականին անսպասելի էր։
«2020 թվականի եռակողմ փաստաթղթում ջենթլմենական պայմանավորվածություն էր ձեռք բերվել Լեռնային Ղարաբաղի կարգավիճակի վերաբերյալ՝ այն հետաձգելով և թողնելով ապագա սերունդներին, սակայն Պրահայում արված հայտարարությամբ ամեն ինչ գնաց այլ ուղղությամբ»,- ասաց Լավրովը։
Եւս մեկ անգամ հաստատելով այն ճշմարտությունը, որ Նիկոլ Փաշինյանը դավաճանեց Հայաստանի Հանրապետության շահերին և հանձնեց Արցախը, պետք է հիշեցնեմ ձեզ երկու իրականություն․
1. 2020թ. նոյեմբերի 9-ի հայտարարությամբ Վլադիմիր Պուտինը ռուսական «խաղաղապահ» զորքեր մտցրեց Արցախ, բայց ոչ թե որպես անկախ կազմավորում կամ Արցախ՝ Հայաստանի Հանրապետության կազմում, այլ որպես Արցախ՝ Ադրբեջանի կազմում։
2. 2020թ. դեկտեմբերին տեղի ունեցած ամենամյա մամուլի ասուլիսում Պուտինը՝ պատասխանելով ադրբեջանցի լրագրողի հարցին, պաշտոնապես արձանագրեց Ռուսաստանի դիրքորոշումը արցախյան հարցի վերաբերյալ՝ նշելով․ «Ե՛վ Լեռնային Ղարաբաղը, և՛ նրան հարակից տարածքները Ադրբեջանի տարածքի անբաժանելի մասն են կազմում»։
Խնդիրն այն է, որ հայ հասարակությանը փորձում են մոլորեցնել այնպես, որ այն չհասկանա, թե Նիկոլն ու Կրեմլը գործում են միասին և համատեղ իրականացրել են «Լավրովի պլանը»։ Իզուր չէր, որ Փաշինյանը մայիսի 9-ին Մոսկվայում խոնարհվեց Պուտինի առջև, և իզուր չէր, որ Լավրովին հանդիսավոր կերպով դիմավորեցին Երևանում։
Այս խաղի պաշտպաններն են նաև Սարգսյան-Քոչարյան ռուսական կեղծ ընդդիմությունը, ինչպես նաև կեղծ արևմտամետները, որոնք այլևս չգիտեն, թե ինչպես ռուս-թուրքական Փաշինյանին արևմտամետի տեսք տան»։