«Նոր նախագիծը զինծառայությունը բիզնես դարձնելու մասին է»․ Հայկ Մարտիրոսյան

Քաղաքագետ Հայկ Մարտիրոսյանի ֆեյսբուքյան գրառումը. «Սպարապետ Սուրենը ներկայացրեց զինծառայության նոր տեսակի դրույթները:
Զինծառայության մասին օրենքի նոր նախագիծը երկու բանի մասին է՝
Ա. Բանակի մնացած ողորմելի ծվենները քանդելու և
Բ. Զինծառայությունը բիզնես դարձնելու: Ընդ որում՝ թնդանոթի միս են դառնալու այսուհետ գրեթե բացառապես ֆինանսապես անկարողները:
Իսկ նրանք այն աշխարհ կուղարկվեն հարուստների փողերով: Հարուստները գումարով կյանք են գնում, աղքատները՝ գումարի բացակայությամբ՝ անվճար տոմս կստանան դեպի հավերժություն:
Շատ խելացի ծրագիր է՝ մեծ, հայաստանակործան նախագծի մի փոքրիկ, բայց հերթական կարևոր հանգրվանը»: