«ՔՊ-ն սերտ կապերի մեջ է կոռուպցիոն պոզով-պոչով կենդանու հետ»․ Գևորգ Ստեփանյան

Երևանի ավագանու «Մայր Հայաստան» խմբակցության անդամ Գևորգ Ստեփանյանի ֆեյսբուքյան գրառումը․ «Սիրելի՛ հայրենակիցներ
Ձեր դատին ու գնահատանքին եմ ներկայացնում Երևան քաղաքի բյուջեի հերթական մսխումները։
Ձեր վճարած հարկերից ու տուրքերից առաջացած գումարների անտեղի վատնումը՝ ըստ ոլորտների։
2025թ. բյուջեով նախատեսվել է․
1. Ասֆալտապատման համար 3 մլրդ 652 մլն դրամ։
2. Աղբահանության համար 1 մլրդ 58 մլն դրամ
3. Վերելակների համար 1 մլրդ 59 մլն դրամ
4. Տրանսպորտի համար 2 մլրդ դրամ
5. Այգիների բարեկարգման համար 272 մլն դրամ
6. Կանաչ տարածքների համար 4 մլրդ 771 մլն դրամ
7. Մայրուղիների կառուցման համար 1 մլրդ 854 մլն
8. Երևան լճի ու հրազդան գետի մաքրման համար 81մլն
Ցանկը շարունակելի…
ՔՊ-ն 9% քվե ստանալով ու փոքրամասնության «իշխանություն» լինելով զբաղված է Երևանի բյուջեն խժռելով։
ՔՊ-ն՝ իր ամբողջ աստղաբույլով սերտ կապերի մեջ է կոռուպցիոն պոզով-պոչով կենդանու հետ։
ՔՊ-ն արժանանալու է ալան-թալանի 1-ին աստիճանի դասական կոչմանը»։