«Ինչո՞ւ Նիկոլը հարձակվեց Եկեղեցու վրա»․ Հրանտ Մելիք-Շահնազարյան

Քաղաքագետ Հրանտ Մելիք-Շահնազարյանի ֆեյսբուքյան գրառումը․ «Եկեղեցու դեմ Նիկոլի արշավով տարված՝ հասարակությունը չնկատեց, որ Արցախի Հանրապետությունն այլևս նախագահ չունի ու, ըստ երևույթին, ոչ էլ կունենա։ Այդպիսինն է Արցախի քաղաքական «վերնախավը»։ Նրանց համարձակության մաքսիմումը, փաստորեն, թաքուն ԱԺ նախագահ ընտրելն էր (հանկարծ Նիկոլը չիմանա)։ Իսկ ահա նախագահ ընտրելու (ընտրվելու) համարձակություն չունեցան։ Այս փաստը շատ հարցերի պատասխան է տալիս։ Առաջիկայում այս թեմային անպայման կանդրադառնամ։
Իսկ հիմա ուրիշ հարց եմ ուզում տալ ընթերցողներիս։ Ի՞նչ եք կարծում, ինչո՞ւ Նիկոլը հարձակվեց եկեղեցու վրա։ Որպեսզի՝ Արցախի պետական ինստիտուտների ապամոնտաժումը թաքցնի՞, թե՞ որովհետև Արցախի ղեկավարության հարցն արդեն լուծեց ու հիմա էլ անցել է հաջորդ թեմային՝ եկեղեցին ոչնչացնելուն»։