Երկուշաբթի, 23 փետրվարի, 2026 թ.
|
Ստեփանակերտում`   +6 °C

Վարչապետի՝ ՀՀԿ-ի թեկնածուների անուններ են շրջանառվում

Վարչապետի՝ ՀՀԿ-ի թեկնածուների անուններ են շրջանառվում
510
Շաբաթ, 07 հունիսի, 2025 թ., 12:06

Ինչպես հայտնել էինք, ՀՀԿ ԳՄ-ն նախօրեին հայտարարություն էր տարածել՝ նշելով, որ «Հաշվի առնելով, որ գործող կառավարիչները ձախողել և չեն կատարել 2021թ. ԱԺ կողմից հաստատված կառավարության գործունեության ծրագիրը, ինչպես նաև մինչ այժմ ընդդիմադիր պատգամավորների կողմից այդպես էլ ՀՀ վարչապետի թեկնածու չի առաջադրվել, Հայաստանի Հանրապետական կուսակցությունն առաջարկում է Հայաստանի Հանրապետության Ազգային ժողովի «Պատիվ ունեմ» խմբակցության պատգամավորներին, «Ազգային ժողովի կանոնակարգ» սահմանադրական օրենքի համաձայն, վարչապետին անվստահություն հայտնելու մասին առաջարկ ներկայացնելու՝ այդ նպատակով առաջարկելով ՀՀԿ Խորհրդի փորձառու և բարձր որակավորում ունեցող անդամներից առաջադրել պահանջվող հատկանիշներին համապատասխանող ՀՀ վարչապետի թեկնածու և նախապատրաստել Ազգային ժողովի որոշման նախագիծ՝ գործող վարչախմբի պարագլխին անվստահություն հայտնելու գործընթացը մեկնարկելու համար»։

Մամուլում ու համացանցում հնարավոր թեկնածուների անուններ են շրջանառվում, որոնց թվում են՝ ՀՀԿ փոխնախագահ Արմեն Աշոտյանը և Մասիսի քաղաքապետ Դավիթ Համբարձումյանը։ Ըստ լուրերի՝ վերջինս նախկին ոստիկանապետ Վլադիմիր Գասպարյանի թիկնազորի պետ Արշակ Հակոբյանի փեսան է։