«ՀԱԵ հավատավոր ժողովուրդը պետք է ընտրի նոր հոգևոր առաջնորդ». Վահագն Ալեքսանյան

«Երբ որ մարդուն ուղիղ հարց ես տալիս և այդ ուղիղ հարցին ինչ ասես հնչում է, բացի բուն այո, կամ ոչ պատասխանից, դա նշանակում է, որ այդ հարցի պատասխանը մաքսիմալ տհաճ է պատասխանողի համար, որ ինքը չի ուզում հնչեցնել ու հետևաբար բացահայտվել է, որ հայ առաքելական եկեղեցու կաթողիկոս Գարեգին Բ-ն խախտել է կուսակրոնության ուխտը»,- «Հանրային»-ի եթերում ասաց ՔՊ-ական պատգամավոր Վահագն Ալեքսանյանը:

Նա շեշտեց, որ պետք է ձևավորվի հայ առաքելական եկեղեցու հավատավորների կողմից ինչ-որ հանձնաժողով կամ ինչ-որ խումբ, որը կազատի հայ առաքելական եկեղեցու վեհարանը ուխտադրժությունից և սրբապղծությունից: «Պետք է ընտրվի նոր հոգևոր առաջնորդ, որը կհամապատասխանի Հայաստանյայց Առաքելական Եկեղեցու արժեքներին: Դա պետք է անի ՀԱԵ հավատավոր ժողովուրդը՝ սիրով և առանց բռնության: Չեմ կարող բացառել, որ ՀՀ վարչապետն էլ, որպես ՀԱԵ հավատավոր հետևորդ, կաջակցի կամ ինչ-որ ձևաչափով կմասնակցի այդ պրոցեսին»,- ընդգծեց Ալեքսանայնը:

Իսկ, թե «ինչո՞ւ Վեհափառի կուսակրոնության հարցը ծագեց հիմա» հարցին ի պատասխան, Ալեքսանյանն ասաց. «Երբ էլ լիներ՝ նույն հարցը հնչելու էր, դրանից հարցի լեգիտիմությունը բնավ չի նվազում»: