«Նիկոլ Փաշինյանը ջանում է Ամենայն Հայոց Կաթողիկոս կարգել Թուրքիայի քաղաքացի հայ հոգևորականի»․ Ռուբեն Մելիքյան

Փաստաբան Ռուբեն Մելիքյանը ֆեյսբուքյան եթերում անդրադարձել է Նիկոլ Փաշինյանի՝ Եկեղեցու և Վեհափառի դեմ սկսած արշավին։ «Պետության ղեկավարն ասում է՝ պետք է նոր Վեհափառ ընտրելու համար ձևավորվի ինչ-որ կոմիտե և ասում է, որ առաջին տասին ինքն է նշանակելու։ Ովքեր են այդտեղ ներգրավվելու։ Առաջին հերթին կարգալույծ եղած Հայ Առաքելական Եկեղեցու հոգևորականները։ Ժամանակ առ ժամանակ ինչ-որ խախտումների համար կարգալույծ են արվում տարբեր հոգևորականներ։ Բայց նրանք չեն դադարում կրել Հայ Առաքելական Եկեղեցու հոգևոր հովվի հագուստը և նրանց տրված անունն օգտագործելու, ինչի իրավունքը չունեն։ Այդ մարդիկ արդեն իրականացնում են որոշակի քարոզ որոշակի մարդկանց ուղղությամբ, որոնք Թուրքիայի քաղաքացիներ են, ինչը նշանակում է, որ գտնվում են Էրդողանի ազդեցության տակ։ Նրանք լինելու են այս հարձակման առաջին գծում։

Երկրորդ խումբը կազմում են այն մարդիկ, որոնք բողոքականության քրիստոնեության կողմնակից են։

Երրորդը գնելատիպ նեոբոլշևիկներն են, որոնք կարող է հագնեն քրիստոնյայի դիմակ։

Այս կերպ Նիկոլ Փաշինյանը ջանում է Ամենայն Հայոց Կաթողիկոս կարգել Թուրքիայի քաղաքացի հայ հոգևորականի։ Բայց մենք մեր Եկեղեցին պաշտպանելու ենք մինչև վերջ»,- նշել է Մելիքյանը: